ТОКТОМ КЫЛАТ:

       Депутаттардын  Кара-Бүргөн айылдык кеңешинин кезектеги  7-сессиясынын

 

ТОКТОМУ

 

 Кара-Бүргөн  айылы.                          №7/1                                      18-июль  2022-жыл.

 

Калктын саламаттыгын жакшыртуу багытында жүргүзүлүп жаткан

 иштер туурасында №4 ҮДТнун маалыматы жөнүндө.

 

 

   “Кыргыз Республикасынын Жергиликтүү өз алдынча  башкаруу жөнүндө” мыйзамынын негизинде  Кара-Бүргөн айылдык кеӊеши ТОКТОМ кылат:

 

1. Калктын саламаттыгын жакшыртуу багытында жүргүзүлүп жаткан иштер туурасында №4 ҮДТнун аткарып жаткан иштери канааттандыраарлык деп табылсын.

           

 

Айылдык кеңештин орун басары                                      Б. Курманбаева

Жиберилди: протоколго, айыл өкмөткө.

---

 

 

Депутаттардын  Кара-Бүргөн айылдык кеңешинин кезектеги  7-сессиясынын

 ТОКТОМУ

  Кара-Бүргөн  айылы.                                №7/2                               18-июль  2022-жыл.

 

Калкты таза суу менен камсыз кылууда аткарылып жаткан иштер туурасында «Жеңиш-Саз» ИСКАКБнын жетекчисинин отчету.

            “Кыргыз Республикасынын Жергиликтүү өз алдынча  башкаруу жөнүндө” мыйзамынын негизинде,  Кара-Бүргөн айылдык кеӊеши ТОКТОМ кылат:

 

1. Калкты таза суу менен камсыз кылууда аткарылып жаткан иштер туурасында «Жеңиш-Саз» ИСКАКБнын жетекчисинин отчету канааттандыраарлык деп табылсын.
2. Таза суу системасынын тез арада ишке кириши камсыздалсын.

  

Айылдык кеңештин орун басары                                                 Б. Курманбаева

Жиберилди: протоколго, айыл өкмөткө.

---

 

       Депутаттардын  Кара-Бүргөн айылдык кеңешинин кезектеги  7-сессиясынын

 

ТОКТОМУ

 

 Кара-Бүргөн  айылы.                          №7/3                      18-июль  2022-жыл.

 

Кыргыз Республикасынын Президентинин “Кыргыз Республикасында

 үй-бүлөлүк салтанаттарды жана маркумду эскерүү үрп-адаттарын

тартипке келтирүү боюнча чаралар жөнүндө”  24.02.2022-жылдагы

 №54 Жарлыгына ылайык Жобону бекитүү жөнүндө

             “Кыргыз Республикасынын Жергиликтүү өз алдынча  башкаруу жөнүндө” мыйзамынын негизинде, Кара-Бүргөн айылдык кеӊеши ТОКТОМ кылат:

 

1. Кыргыз Республикасынын Президентинин 2022-жылдын 24-февралындагы “Кыргыз Республикасында үй-бүлөлүк салтанаттарды жана маркумду эскерүү үрп-адаттарын тартипке келтирүү боюнча чаралар тууралуу” №54 Жарлыгынын негизинде Кара-Бүргөн айыл аймагындагы үй-бүлөлүк салтанаттарды жана маркумду эскерүү үрп-адаттарын тартипке келтирүү боюнча Жобо бекитилсин. (Жобо тиркелет)
2. Бул Жобонун негизинде иш алып баруу жагы айыл өкмөткө милдеттендирилсин

  

Айылдык кеңештин орун басары                                                 Б. Курманбаева

 Жиберилди: протоколго, айыл өкмөткө

 

 

 

Кара-Бүргөн айылдык кеңешинин 18-июль  2022-жылдагы

№7/3  токтому менен бекитилген

 

Кара-Бүргөн айылында 

үй-бүлөлүк салтанаттарды жана өлгөндү эске алуу ырым-жырымдарын

өткөрүүнүн тартиби жөнүндө Жобо

 

1. Жалпы жоболор

2. Жобону иштеп чыгуунун, кабыл алуунун (бекитүүнүн) жана күчүнө киргизүүнүн тартиби 

3. Үй-бүлөлүк салтанаттарды өткөрүүнүн тартиби

4. Өлгөндү эске алуу ырым-жырымдарын өткөрүүнүн тартиби

5. Үй-бүлөлүк салтанаттарды жана өлгөндү эске алуу ырым-жырымдарын өткөрүүнү иретке келтирүүчү, көзөмөлдөөчү комиссиялар жана кызмат адамдары

5.1. Жергиликтүү комиссия

6. Жобонун талаптарын бузгандык үчүн жоопкерчилик

 

1. Жалпы жоболор

1.1. Бул Жобо «Кыргыз Республикасында үй-бүлөлүк салтанаттарды жана өлгөндү эске алуу ырым-жырымдарын иретке келтирүү чаралары жөнүндө» Кыргыз Республикасынын Президентинин 2022-жылдын              24-февралындагы ПЖ № 54-Жарлыгына ылайык, жергиликтүү калктын өзгөчөлүгүн жана салтын эске алып иштелип чыгылган, жергиликтүү жамааттын жыйынында кабыл алынган эрежелерди камтыйт.

1.2. Жобонун максаты  айылдарда жана башка калктуу конуштарда үй-бүлөлүк салтанаттарды жана өлгөндү эске алуу ырым-жырымдарын өткөрүүнү иретке келтирүү, аларды өткөрүүдө убаракерчиликке, өлүк ээсин мажбурлоого, өзүн көрсөтүүгө умтулууга, башка адамдардын социалдык абалын тоготпоого, ашыкча ысырапкорчулукка, элдин салт-санаасын, үрп-адатын тоготпоого жол бербөө, ата салтына жат терс жөрөлгөлөрдүн күндөлүк турмушта жайылышына бөгөт коюу, элибиздин нукура салт-санаасын жана ырым-жырымдарын кеңири пропагандалоо жана жайылтуу болуп эсептелет.

 

2. Жобону иштеп чыгуунун, кабыл алуунун (бекитүүнүн) жана күчүнө киргизүүнүн тартиби

2.1.Айыл аймагында,үй-бүлөлүк салтанаттарды жана өлгөндү эске алуу ырым-жырымдарын өткөрүүнүн тартиби жөнүндө жобону (мындан ары – жобо) иштеп чыгуу үчүн айыл өкмөтүнүн башчысынын буйругу менен курамы айыл өкмөтүнүн кызматкерлеринен, жергиликтүү кеңештин депутаттарынан, ардагерлердин, аялдар жана жаштар уюмдарынын, аксакалдар сотунун, диний уюмдардын, өкмөттүк эмес уюмдардын, жергиликтүү коомдоштуктун өкүлдөрүнөн турган жумушчу тобу түзүлөт.

2.2.Ушул Типтүү жобонун негизинде жумушчу тобу тарабынан иштелип чыккан жобонун долбоору айылдык жыйындарда  талкууланат, жалпыга тааныштыруу үчүн такталарга илинет, айыл өкмөтүнүн, жергиликтүү мамлекеттик администрациянын сайттарына жайгаштырылат. Келип түшкөн иштиктүү сунуштар эске алынып жобонун долбооруна киргизилет. Иштелип чыккан жобо жергиликтүү кеңештин сессиясында бекитилет.

2.3.Жобону бекитүү жөнүндө жергиликтүү кеңештин токтому белгиленген тартипте жергиликтүү кеңештин, жергиликтүү мамлекеттик администрациянын сайттарына жарыяланат, юстиция органында мамлекеттик каттоодон өткөрүлөт.

2.4. Жобо ага кызыккан жарандарга айыл өкмөтү, жергиликтүү кеңеш тарабынан токтоосуз тааныштырылат.

 

3. Үй-бүлөлүк салтанаттарды өткөрүүнүн тартиби

3.1.Үй-бүлөлүк салтанаттарга бешик тою, тушоо кесүү тою, балдарды сүннөткө отургузуу, нике (үйлөнүү) тою, куда тосуу, маараке салтанаттары ж.б. кирет.

3.2. Үй-бүлөлүк салтанаттар айылдарда жана башка калктуу конуштарда үй-бүлөнүн экономикалык шарттарына жараша ашыкча чыгымдарга жол берилбестен  жергиликтүү эрежелер жана тартип боюнча, киргизилген чектөөлөрдү жана тыюуларды бекем сактоо менен өткөрүлөт.

 

4. Өлгөндү эске алуу ырым-жырымдарын өткөрүүнүн тартиби  

4.1. Өлгөндү эске алуу ырым-жырымдарын (акыркы сапарга узатуу, үчүлүк, жетилик, кыркылык)  бир бодо мал же эки жандыка чейин гана мал союу же таптакыр сойбой коюу шарты менен өткөрүлөт.

4.2. Өлгөндү эске алуу ырым-жырымдары мал союуну эсепке албаганда айылдарда жана башка калктуу конуштарда калыптанып калган жергиликтүү эрежелер жана тартип боюнча өткөрүлөт.

 

5. Үй-бүлөлүк салтанаттарды жана өлгөндү эске алуу ырым-жырымдарын өткөрүүнү иретке келтирүүчү, көзөмөлдөөчү комиссиялар жана кызмат адамдары

Жобого ылайык үй-бүлөлүк салтанаттарды жана өлгөндү эске алуу ырым-жырымдарын өткөрүүнү иретке келтирүүчү, көзөмөлдөөчү органдарга жана кызмат адамдарына Президенттин облустагы өкүлү, райондун акими, айыл өкмөтүнүн башчысы, облустук комиссия жана, райондук комиссия жана жергиликтүү комиссия кирет.

Бардык комиссиялар өздөрүнүн ишин документтештирет.

 

5.1. Жергиликтүү комиссия

5.1.1. Жергиликтүү комиссия айыл өкмөтүндө, аймактык коомдук өз алдынча башкаруусунда түзүлөт. Анын курамына айыл өкмөтүнүн кызматкерлери, жергиликтүү кеңештин депутаттары, маданият мекемесинин, ардагерлердин, аялдардын жана жаштардын уюмдарынын, аксакалдар сотунун, диний уюмдардын, өкмөттүк эмес уюмдардын, милициянын, жергиликтүү коомдоштуктун өкүлдөрү кирет. Жергиликтүү комиссияайыл өкмөтүнүн башчысынынбуйругу менен бекитилет.

5.1.2. Жергиликтүү комиссиянын мүчөлөрү өлгөндү эске алуу ырым-жырымы өткөрүлүп жаткан жерге чогуусу менен барыптүшүндүрүү иштерин жүргүзөт, өлүк ээсин жобонун талаптары менен тааныштырып, ал тууралуу журналга кол койдурат, жобонун талаптарынын аткарылышына мониторинг жана көзөмөл жүргүзөт, жобонун талаптарын бузуу болгон учурда ал жөнүндө журналга каттоо жүргүзөт (же акт түзөт), ал тууралуу комиссияда  маселе карайт, талапты бузган адамдарга карата чара (анын ичинде коомдук уяткаруу чарасын) көрөт.

 

 6. Жобонун талаптарын бузгандык үчүн жоопкерчилик

Айыл аймагындаүй-бүлөлүк салтанаттарды жана өлгөндү эске алуу ырым-жырымдарын өткөрүү боюнча жобонун талабын бузгандык үчүн Кыргыз Республикасынын укук бузуулар жөнүндө кодексинде, жергиликтүү жамааттын уставында жана айылдын ички мыйзамдарында жана эрежелеринде каралган (элдик курултай, айылдык жыйындар, жергиликтүү кеңеш тарабынан кабыл алынган) айып жазаларынын өлчөмдөрү, салынган айыптарды төлөө мөөнөтү жана тартиби каралат.

 

 

            Жооптуу катчы                                                             М. Төрөбек кызы

---

 

Депутаттардын  Кара-Бүргөн айылдык кеңешинин   кезексиз  7- сессиясынын

 ТОКТОМУ

 Кара-Бүргөн айылы                          №7/4                          18-июль 2022-жыл.

 

Кара-Бүргөн айыл аймагынын айыл өкмөтүнүн

бюджетинин 2023-2024-2025-жылдарга карата

 жергиликтүү бюджеттин долбоорун бекитүү жөнүндө.

 Кыргыз Республикасынын Бюджеттик кодексине жана Кыргыз Республикасынын  “Жергиликтүү өз алдынча башкаруунун финансы-экономика иштери жөнүндөгү” мыйзамына ылайык, Кара-Бүргөн айылдык кеңешинин кезексиз 7- сессиясы

ТОКТОМ кылат:

1. Кара-Бүргөн айыл аймагынын айыл өкмөтүнүн 2023-жылга карата киреше бөлүгү  6302,6 миң сомго жана чыгаша бөлүгү  6302,6 миң сомго долбоору бекитилсин.
2. Кара-Бүргөн айыл аймагынын айыл өкмөтүнүн 2024-жылга карата киреше бөлүгү  6254,8миң сомго жана чыгаша бөлүгү 6254,8миң  сомго долбоору бекитилсин.
3. Кара-Бүргөн айыл аймагынын айыл өкмөтүнүн 2025-жылга карата киреше бөлүгү  6594,1миң сомго жана чыгаша бөлүгү 6594,1миң  сомго долбоору бекитилсин

.

Салыктардын жана башка төлөмдөрдөн:

 

Аталышы	2023	2024	2025
Подоход салыгы	1235,0	1210,0	1215,0
Патент	36,0	36,0	36,0
Кыймылсыз мүлктөн алынуучу салык	1,5	1,5	1,5
Унаа каражаттарына салык	135,0	135,0	140,0
Огород салыгы	48,0	48,0	48,0
Айыл чарба багытындагы жерлер	-	-	329,3
Айыл чарба багытындагы эмес жерлер	8,0	8,0	8,0
Калктуу конуштагы жерлердин ижара акысы	48,0	48,0	48,0
КБФнун жерлеринин ижара акысы	87,0	64,2	64,2
Мусор чыгаруудан	14,0	14,0	14,0
Лицензиядан	294,0	294,0	294,0
Атайын каражаттардан	310,5	310,5	310,5
Тендештирилген грант	3700,2	3700,2	3700,2
Жайыт	385,4	385,4	385,4
Жалпы	6302,6	6254,8	6594,1

 

 

1. Кара-Бүргөн айыл аймагынын айыл өкмөтүнүн 2023-жылга карата бюджетинин чыгаша бөлүгү төмөндөгүдөй бекитилсин. (миң сом менен)

 

                        Башкарууга

Аталышы	статья	баары
Эмгек акыга	2111	2951,2
Соц фонд	2121	436,3
сапар чыгымына	2211	30,0
Байланыш кызматы	2212	18,0
ГСМ, запчасть	2214	100,0
Көмүр	2224	60,0
	баары	3595,5

 

                                              Жайыт

Аталышы	статья	баары
70491 Башка категорияларга таандык болбогон экономикалык маселелер	22154900	256,5
	баары	256,5

           

                                               ЖКХ

Аталышы	статья	баары
Ар кандай чыгым	2215	128,9
	баары	128,9

 

Китепкана

Аталышы	статья	баары
Эмгек акыга	2111	519,6
Соц фонд	2121	89,6
	баары	609,2

 

                                                  Клуб

Аталышы	статья	баары
Эмгек акыга	2111	720,0
Соц фонд	2121	124,2
	баары	844,2

 

 

Бала бакча

Аталышы	статья	баары
Интернет кызматы үчүн	2212	18,0
Балдардын ысык тамагы үчүн	2218	243,0
Ремонт	2221	45,1
Көмүр	2224	120,0
Сууга	2231	10,0
Балдардын ысык тамагы үчүн	2218 спец	310,5
	баары	746,6

 

                                        Мектеп

Аталышы	статья	баары
Суу	2231	25,0
	баары	25,0

 

                                    Соц коргоо

Аталышы	статья	баары
Соц коргоо	2721	96,7
	баары	96,7

 

 

ЖАЛПЫ БААРЫ

6302,6

 

 

 

           

Айылдык кеңештин орун басары                                                 Б. Курманбаева

 

Жиберилди: протоколго, айыл өкмөткө, Ак-Талаа райондук финансы бөлүмүнө.  

---

 

 

Депутаттардын  Кара-Бүргөн айылдык кеңешинин   кезектеги  7- сессиясынын

 ТОКТОМУ

 Кара-Бүргөн айылы                          №7/5                   18-июль 2022-жыл.

 Кара-Бүргөн айыл аймагынын 2022-жылдагы бюджетине

 өзгөртүү киргизүү  жөнүндө.

                Кыргыз Республикасынын Бюджеттик кодексине жана Кыргыз Республикасынын  “Жергиликтүү өз алдынча башкаруунун финансы-экономика иштери жөнүндөгү” мыйзамына ылайык,

                     Кара-Бүргөн айылдык кеңешинин кезектеги 7- сессиясы

ТОКТОМ кылат:

1. Кара-Бүргөн айыл аймагынын айыл өкмөтүнүн  2022-жылга карата  бюджетинин  аппараттын 2221-беренсинен-25,0сом, 2222-беренесинен-10,0сом,  3112-беренесинен-9,0сом,  ЖКХнын  2215-беренсинен-49,6сом,  3111-беренесинен-150,0сом клубдун  3112-беренесинен -4,5сом,

 жалпы-248,1сом төмөндөгүдөй максатта пайдаланылсын:

                                                          

                                                                        ЖКХ

Аталышы	берене	баары
Таза суу системасынын шаймандары үчүн	2222	67,6
Спорттук аянтчага өздүк салым үчүн	3112	162,0
Токой чарбасына бак-дарактар үчүн	3113	18,5
	баары	248,1

 

БААРЫ

248,1

 

 

Айылдык кеңештин орун басары                                                 Б. Курманбаева

 

Жиберилди: протоколго, айыл өкмөткө, Ак-Талаа райондук финансы бөлүмүнө.   Ак-Талаа райондук казына бөлүмүнө

---

 

 

 

Депутаттардын  Кара-Бүргөн айылдык кеңешинин кезексиз  8-сессиясынын

ТОКТОМУ

 Кара-Бүргөн  айылы.                          №8/1                 19-сентябрь 2022-жыл.

Кара-Бүргөн айыл аймагынын жергиликтүү курултайын чакыруу жөнүндө

   Кыргыз Республикасынын  Президентинин 2022-жылдын  15-августундагы “Элдик Курултайды чакыруу жөнүндө” №284 Жарлыгын жетекчиликке алып,  Кара-Бүргөн айылдык кеӊеши

ТОКТОМ кылат:

1. Кыргыз Республикасынын  Президентинин 2022-жылдын  15-августундагы “Элдик Курултайды чакыруу жөнүндө” №284 Жарлыгы жетекчиликке  жана аткарууга алынсын.
2. Кара-Бүргөн айылынын калкынын саны 2626 болгондуктан жергиликтүү курултайдын делегаттарынын жалпы саны 40 деп бекитилсин.
3. Жергиликтүү курултайдын делегаттарын шайлоону уюштуруп, өткөрүүгө жумушчу топтун курамы бекитилсин. (№1 тиркеме тиркелет).
4. Жергиликтүү курултайга Кара-Бүргөн айыл аймагында көчөлөрдүн санына жараша айыл пропорционалдуу бөлүнүп, шайлансын (№2 тиркеме тиркелет).
5. Кара-Бүргөн айыл аймагында жергиликтүү курултайдын делегаттарын шайлоо боюнча тургундардын жыйындарын өткөрүү убактысы 2022-жылдын 15-октябрынан 20-октябрына чейин деп белгиленсин (№3 тиркеме тиркелет).
6. Элдик курултайдын делегаттарын шайлообоюнча жергиликтүү курултайды өткөрүү 2022-жылдын 5-ноябрына белгиленсин (№4 тиркеме тиркелет).
7. Бул токтом  мыйзам талаптарына ылайык массалык маалымат каражаттарына жарыяланып, ЧУА мамлекеттик реестринен каттоодон өткөрүлсүн.

 

 

Айылдык кеңештин төрагасы                                           Б. Кемелов

 

Жиберилди: протоколго, айыл өкмөткө.

 

 

Кара-Бүргөн айылдык кеңешинин 19-сентябрь  2022-жылдагы кезексиз №8/1  токтомуна №1 тиркеме 

Кара-Бүргөн айыл аймагыныне жергиликтүү курултайын уюштуруу жана өркөрүү боюнча жумушчу топтун курамы

 

№	А.А.А.	Кызматы	Жумушчу топтогу ролу
1	Кемелов Билимбек Ильясович	Айылдык кеңештин төрагасы	төрага
2	Төрөбек кызы Марипа	Айылдык кеңештин катчысы	катчы
3	Курманбаева Бүбүсайра Кадаңалиевна	Айылдык кеңештин орун басары	Мүчөсү
4	Чокморов Жантай Сексенбешович	Айылдык кеңештин депутаты	мүчөсү
5	Абдыраимова Сагынбүбү Кутчубаевна	Айылдык кеңештин депутаты	мүчөсү
6	Кожоева Айсулуу Сүйөрбековна	Айылдык кеңештин депутаты	мүчөсү
7	Садыков Турсунбек	Аксакалдар сотунун төрагасы	мүчөсү
8	Атабекова Рита Куляевна	Аялдар кеңешинин төрайымы	мүчөсү
9	Жузупбеков Таалайбек Казыбекович	Коомдук активист	Мүчөсү

 

 

Жооптуу катчы                                                        Төрөбек кызы Марипа

   

 

Кара-Бүргөн айылдык кеңешинин19-сентябрь  2022-жылдагы кезексиз №8/1  токтомуна №2 тиркеме

 Кара-Бүргөн айыл аймагыныне жергиликтүү курултайын делегаттарынын саны жана квотасы

 

№	Көчөлөрдүн кварталдардын  аталышы	Калкынын саны	1 квотага тийиштүү калктын саны	Берилүүчү квотанын саны	Гендердик баланс 30% (аял)
1	Жусупбаева Жибек атындагы көчөсү 1	205	65,65	3	2 эркек 1 аял
2	Жусупбаева Жибек атындагы көчөсү 2	235	65,65	3	2 эркек 1 аял
3	Кыдыршаев Токтогул атындагы көчөсү  1	218	65,65	3	2 эркек 1 аял
4	Кыдыршаев Токтогул атындагы көчөсү  2	247	65,65	4	3 эркек 1 аял
5	Шербалиева Гүлбаары атындагы көчөсү  1	122	65,65	2	1 эркек 1 аял
6	Шербалиева Гүлбаары атындагы көчөсү 2	297	65,65	5	3 эркек 2 аял
7	Шербалиева Гүлбаары атындагы көчөсү 3	268	65,65	4	3 эркек 1 аял
8	Калчабаев Тутун атындагы көчөсү 1	128	65,65	2	1 эркек 1 аял
9	Калчабаев Тутун атындагы көчөсү 2	157	65,65	2	1 эркек 1 аял
10	Топчубеков Токтосун атындагы көчөсү 1	213	65,65	3	2 эркек 1 аял
11	Топчубеков Токтосун атындагы көчөсү 2	188	65,65	3	2 эркек 1 аял
12	Тынчтык көчөсү	108	65,65	2	1 эркек 1 аял
13	Акунова Эрмек атындагы көчөсү	135	65,65	2	1 эркек 1 аял
14	Төш-Булак көчөсү	105	65,65	2	1 эркек 1 аял
	БААРЫ	2626	65,65	40	25 эркек  15 аял

 

 

Жооптуу катчы                                                        Төрөбек кызы Марипа

 

 Кара-Бүргөн айылдык кеңешинин 9-сентябрь  2022-жылдагы кезексиз №8/1  токтомуна №3 тиркеме

 

Кара-Бүргөн айыл аймагында 2022-жылдын 15-октябрынан 20-октябрына чейин жергиликтүү курултайдын делегаттарын шайлоо боюнча тургундардын жыйындарын өткөрүү ГРАФИГИ

 

№	Көчөлөрдүн аталышы	Чогулуш өтүүчү жер	убактысы	Уюштуруучулар
1	Жусупбаева Жибек атындагы көчөсү 1	Жусупбаева Жибек атындагы көчөсү 1	15-октябрь   2022-жыл  саат 10-00	Айылдык кеңеш, уюштуруу тобу
2	Жусупбаева Жибек атындагы көчөсү 2	Жусупбаева Жибек атындагы көчөсү 2	15-октябрь 2022-жыл  саат 14-00	Айылдык кеңеш, уюштуруу тобу
3	Кыдыршаев Токтогул атындагы көчөсү  1	Кыдыршаев Токтогул атындагы көчөсү  1	16-октябрь  2022-жыл  саат 10-00	Айылдык кеңеш, уюштуруу тобу
4	Кыдыршаев Токтогул атындагы көчөсү  2	Кыдыршаев Токтогул атындагы көчөсү  2	16-октябрь 2022-жыл  саат 14-00	Айылдык кеңеш, уюштуруу тобу
5	Шербалиева Гүлбаары атындагы көчөсү  1	Шербалиева Гүлбаары атындагы көчөсү  1	17-октябрь 2022-жыл  саат 10-00	Айылдык кеңеш, уюштуруу тобу
6	Шербалиева Гүлбаары атындагы көчөсү 2	Шербалиева Гүлбаары атындагы көчөсү 2	17-октябрь 2022-жыл  саат 14-00	Айылдык кеңеш, уюштуруу тобу
7	Шербалиева Гүлбаары атындагы көчөсү 3	Шербалиева Гүлбаары атындагы көчөсү 3	18-октябрь 2022-жыл  саат 10-00	Айылдык кеңеш, уюштуруу тобу
8	Калчабаев Тутун атындагы көчөсү 1	Калчабаев Тутун атындагы көчөсү 1	18-октябрь 2022-жыл  саат 14-00	Айылдык кеңеш, уюштуруу тобу
9	Калчабаев Тутун атындагы көчөсү 2	Калчабаев Тутун атындагы көчөсү 2	19-октябрь 2022-жыл  саат 10-00	Айылдык кеңеш, уюштуруу тобу
10	Топчубеков Токтосун атындагы көчөсү 1	Топчубеков Токтосун атындагы көчөсү 1	19-октябрь 2022-жыл  саат 14-00	Айылдык кеңеш, уюштуруу тобу
11	Топчубеков Токтосун атындагы көчөсү 2	Топчубеков Токтосун атындагы көчөсү 2	19-октябрь 2022-жыл  саат 16-00	Айылдык кеңеш, уюштуруу тобу
12	Тынчтык көчөсү	Тынчтык көчөсү	20-октябрь 2022-жыл  саат 10-00	Айылдык кеңеш, уюштуруу тобу
13	Акунова Эрмек атындагы көчөсү	Акунова Эрмек атындагы көчөсү	20-октябрь 2022-жыл  саат 14-00	Айылдык кеңеш, уюштуруу тобу
14	Төш-Булак көчөсү	Төш-Булак көчөсү	20-октябрь 2022-жыл  саат 16-00	Айылдык кеңеш, уюштуруу тобу

 

            Жооптуу катчы                                                        Төрөбек кызы Марипа

 

Кара-Бүргөн айылдык кеңешинин 19-сентябрь  2022-жылдагы кезексиз №8/1  токтомуна №4  тиркеме

  Кара-Бүргөн айыл аймагында Элдик курултайдын делегаттарын шайлоо боюнча жергиликтүү курултайды өткөрүү

 

 

 

 

№	Айыл аймак	Чогулуш өтүүчү жер	убактысы	Уюштуруучулар
1	Кара-Бүргөн	Кара-Бүргөн айыл өкмсөтүнүн кеңсеси	05-ноябрь 2022-жыл  саат 10-00	Айылдык кеңеш, уюштуруу тобу

 

        

   Жооптуу катчы                                                     Төрөбек кызы Марипа

---

 

 

Депутаттардын  Кара-Бүргөн айылдык кеңешинин кезексиз  8-сессиясынын

 ТОКТОМУ

  Кара-Бүргөн  айылы.                          №8/2                     19-сентябрь 2022-жыл.

 

Айылдык коомчулуктун инвестициялык ассоциациясын

каттоо жөнүндө

 

           Күн тартибиндеги Айылдык коомчулуктун инвестициялык ассоциациясын каттоо жөнүндөгү маселени айылдык кенешинин депутаттарынын туруктуу комиссияларынын отурумунда карап жана депутаттардын талкуусун угуп,

Кыргыз Республикасынын Жергиликтүү өз алдынча башкаруу жөнүндө мыйзамынын 31-беренесине таянып                  

Кара-Бүргөн айылдык кеңеши   ТОКТОМ кылат:

 

1. Айылдык коомчулуктун инвестициялык ассоциациясын катталсын (тиркеме тиркелет)
2. Айылдык коомчулуктун инвестициялык ассоциациясын каттоо боюнча тийиштүү документтерди даярдоо аткаруу комитетинин төрайымы Кыдырмышова Венера Жекалиевнага  милдеттендирилсин.
3. Токтомдун аткарылышын көзөмөлдөө мыйзамдуулук,укук,тартип,этика,дин иштери,үй-бүлөнү коргоо,үрп адат жана каада салттар боюнча комиссияга тапшырылсын.

 

 

 

Айылдык кеңештин төрагасы     Б. Кемелов

Жиберилди: протоколго, айыл өкмөткө.

 

 

Кара-Бүргөн АКИАнын Конференциясында «27» июль  2022ж. № 1 протоколу менен

БЕКИТИЛДИ

                                                                              

           Кара-Бүргөн айыл аймагынын айылдык       

       кеңешинен эсептик каттоодон өттү

 « 19 » сентябрь  2022-жыл  каттоо №18

Нарын  областынын

Ак-Талаа  районунун

Кара-Бүргөн  айылдык аймагынын

Айылдык коомчулуктун инвестициялык ассоциациясынын

У С Т А В Ы

 

19-сентябрь   2022-жыл

                                                I. Жалпы жоболор

1. Аймактык коомдук өз алдынча башкаруу органы катары түзүлгөн Айылдык коомчулуктун  инвестициялык Ассоциациясынын толук аталышы:

-        мамлекеттик тилде:  Нарын  областынын, Ак-Талаа районунун, Кара-Бүргөн айылдык аймагынын «Айылдык коомчулуктун инвестициялык ассоциациясы»;

-        расмий тилде: «Инвестиционная ассоциация сельских сообществ»  Кара-Бургонского айылного аймака Ак-Талинского района  Нарынской  области.

1. Айылдык коомчулуктун инвестициялык ассоциациясынын кыскартылган аталышы:

-        мамлекеттик тилде:  Кара-Бүргөн  айылдык аймагынын АКИА;

-        расмий тилде: ИАСС Кара-Бургонского  айылного аймака.

1. Кара-Бүргөн айылдык аймагынын Айылдык коомчулуктун инвестициялык Ассоциациясынын (мындан ары АКИА) юридикалык дареги: Кыргыз Республикасы, Нарын областы, Ак-Талаа  району, Кара-Бүргөн айылы, Кыдыршаев Токтогул атындагы  көчөсү №29.
2. АКИА өз ишмердүүлүгүн Кара-Бүргөн  айылдык аймагында жүргүзөт.
3. АКИАнын иштөө мөөнөтү чектелбейт.
4. АКИА аймактык коомдук жергиликтүү өз алдынча башкаруу органы катары өз ишкердигинде Кыргыз Республикасынын Конституциясына, Кыргыз Республикасынын Президентинин жана Министрлер Кабинетинин нормативдик укуктук актыларына, тийиштүү кеңештин жана алардын аткаруучу-тескөөчү органдарынын, жергиликтүү мамлекеттик администрациялардын токтомдору менен буйруктарына жана Кыргыз Республикасынын Өкмөтүнүн 2001-жылдын 10-октябрындагы № 625 токтому менен бекитилген Жобого, ошондой эле өздөрүнүн Уставына  жана чечимдерине таянат.
5. АКИА аймактык коомдук жергиликтүү өз алдынча башкаруу органы катары өз статусун ал жергиликтүү кеңеште эсептик каттоого алынган учурдан баштап алат. Эсептик каттоого туруу үчүн АКИА айылдык кеңешке делегаттардын Конференциясынын чечимин (протоколун), Уставын тапшырат.
6. АКИА өз ишинде аны түзгөн жергиликтүү коомчулуктун мүчөлөрүнө жана аны каттаган айылдык кеңешке отчет берет.

II. АКИАнын максаттары жана иш-милдеттери

1. АКИАнын түзүлүү максаттары:

-     социалдык экономикалык инфраструктураны өнүктүрүүгө коомчулуктарды тартуу;

-     кызмат көрсөтүүлөрдү өркүндөтүүгө, ишкердүүлүктү өнүктүрүүгө коомчулуктарды тартуу;

-     калктын активдүүлүгүн жогорулатуу жана чечим кабыл алуу процесстерине катышуусун арттыруу.

1. АКИАнын иш-милдеттери:

-     Жергиликтүү аймактын социалдык-экономикалык программасын иштеп чыгууга, аны жаңылоого жана ишке ашырууга катышуу, көмөктөшүү;

-     Жергиликтүү аймактын социалдык-экономикалык инфраструктурасына байланыштуу көйгөйлөрдү аныктоого жана чечүүгө катышуу, көмөктөшүү;

-     Жергиликтүү коомчулук тарабынан аныкталган көйгөйлөрдү чечүүгө багытталган жергиликтүү жамааттын долбоордук сунуштарын иштеп чыгууга жана ишке ашырууга катышуу, көмөктөшүү;

-     эл аралык жана жергиликтүү донордук уюмдар, финансалык институттар менен иштешүү, алардан жергиликтүү көйгөйлөрдү чечүү үчүн каражаттарды/инвестицияларды тартуу;

-     мамлекеттик бийликтин жана жергиликтүү өз алдынча башкаруунун органдарында, соттордо жана башка мамлекеттик жана мамлекеттик эмес мекемелерде коомдун кызыкчылыктарын, өздөрүнүн укуктарын, ал аймакта жашаган граждандардын мыйзамдуу таламдарынын атынан чыгуу жана коргоо;

-     жергиликтүү өз алдынча башкаруу органдарынын жана жергиликтүү мамлекеттик администрациялардын чечимдеринин аткарылышына жардамдашуу;

-     аймактык коомдук жергиликтүү өз алдынча башкаруу органынын аймагында ишканаларды, өндүрүштүк жана социалдык-маданий багыттагы башка ишканалар менен обьекттерди куруу жана кеңейтүү, соода, коомдук тамактануу, тиричиликтик тейлөө ишканаларын жана башка социалдык-маданий мекемелерди жайгаштыруу үчүн жер бөлүү маселеси, алардын иштөө режимдери боюнча маселелерде жергиликтүү өз алдынча башкаруу органдарына жардамдашуу;

-     курулуш куруунун, турак жайлык имараттарды пайдалануунун, турак үйлөрдү жана үйдүн жанындагы аймактарды күтүүнүн, өрт коопсуздугунун эрежелеринин жана санитардык нормалардын сакталышына, жердин, суунун жана башка табигый ресурстардын сарамжалдуу пайдаланылышына коомдук көзөмөл жүргүзүү, тийиштүү органдарга аныкталган кемчиликтерди жоюу жөнүндө сунуштарды киргизүү;

-     коомдук турмуштун ар кыл маселелери боюнча демилге көтөрүү, мамлекеттик бийликтин жана жергиликтүү өз алдынча башкаруунун органдарына сунуштарды киргизүү;

-     калкка жергиликтүү өз алдынча башкаруу органдарынын АКИАнын сунушу боюнча же анын катышуусу менен кабыл алынган чечимдери жөнүндө кабарлоо;

-     жергиликтүү жарандардын кызыкчылыгына тикелей таасир тийгизген маселелер боюнча чечимдерди даярдоодо жана кабыл алууда мамлекеттик бийлик жана жергиликтүү өз алдынча башкаруу органдары жүргүзгөн кеңеш берүүлөргө жана талкууларга катышуу;

-     Кыргыз Республикасынын мыйзамдарына карама-каршы келбеген жана айылдык аймактын социалдык-экономикалык өнүгүүсүнө багытталган ар кандай башка иш-аракеттерди жүргүзүү.

III. АКИАнын укуктары жана жоопкерчилиги

1. Тиешелүү айылдык кеӊеш жана анын аткаруучу-тескөөчү органынын, жергиликтүү мамлекеттик администрация, ошондой эле ишканалар, мекемелер, уюмдар, кооперативдер, жамааттар жана башка чарбакер субъекттер менен келишимдик негизде эриш-аркак аракеттенүүгө укуктуу;
2. АКИАнын максаттары менен милдеттерин ишке ашыруу үчүн эл аралык донордук уюмдардын каражаттарын жана инвестицияларды тартууга укуктуу;
3. АКИА жергиликтүү жана эл аралык мамлекеттик эмес коомдук уюмдарга мγчѳ болуп кире алат жана тγз эл аралык байланыштарды тγзγγгѳ жана тийиштγγ макулдашууларды тγзγγгѳ укуктуу;
4. АКИА мамлекеттик жана жергиликтγγ башкаруу органдарынын милдеттери боюнча жооп бербейт, ал эми алар АИКАнын милдеттери боюнча жооп бербейт.
5. АКИА өзү кабыл алган чечимдердин мыйзамдуулугу үчүн жоопкерчилик тартат.

IV. АКИАнын башкаруу органдары

1. АКИАнын башкаруу органдары:

-        Жогорку орган – делегаттардын Конференциясы;

-        Аткаруучу орган – аткаруу комитети;

-        Текшерүүчү орган - текшерүү комиссиясы.

V. АКИАнын мүчөлөрү жана алардын укуктары

1. АКИАнын уставына ылайык, жергиликтүү коомчулуктун тиешелүү аймагында туруктуу жашаган, АКИА менен өз ара таламдары боюнча байланышкан, бир үй чарбачылыгынын таламын билдирүүчү адам АКИАнын мүчөсү болот;
2. АКИАнын уставына ылайык ага мүчө болуу жана андан чыгуу ыктыярдуу болуп саналат;
3. АКИАнын мүчөлөрү АКИАнын Конференциясына, айылдардын, кварталдардын деңгээлинде өткөзүлгөн жалпы жыйындарга/чогулуштарга, аткаруучу комитетинин отурумдарына байкоочу катары катышууга укуктуу;
4. АКИАнын мүчөлөрү АКИАнын Конференциясынын, анын аткаруучу комитетинин, текшерүүчү комиссиясынын бардык чечимдери, протоколдору менен таанышууга,алардын ишмердүүлүгүнө байланыштуу ар кандай маалыматтарды алууга укуктуу;
5. Кыргыз Республикасынын мыйзамдарына жана ушул Уставга ылайык башка укутарга ээ.

                                   VI. АКИАнын Конференциясы

1. Конференция – АКИАнын жогорку башкаруу органы болуп саналат жана анын делегаттары Кара-Бүргөн  айылдык аймагынын курамына кирген айылдардагы кварталдык жалпы чогулуштарында атайын бекитилген кворумдун негизинде шайланышат. Ар бир кварталдан шайланган делегаттардын 50% аялдар жана 50% жаштар болушу керек; 
2. Конференциянын делегаттарынын жалпы саны  52 киши, анын ичинен 50% аялдар жана 50% жаштар;
3. АКИАнын Конференциясы жылына кеминде бир жолу өткөрүлөт. Конференция АКИАнын аткаруу комитетинин чечими менен дайындалган күнү өткөрүлөт;
4. Кезексиз Конференция АКИАнын аткаруу комитетинин төрагасы тарабынан же текшерүү комиссиянын, Конференциянын жалпы делегаттарынын 50%нан кем эмес мүчөлөрүнүн демилгеси жана айылдык кеңештин сунушу менен чакырылат;
5. Конференцияны өткөрүү үчүн АКИАнын жалпы мүчөлөрүнүн  90 % катышуусу талап кылынат, анын ичинен 50% аялдар жана 50% жаштар болуусу керек. Кворум жок болгон учурда, АКИАнын аткаруу комитетинин төрагасы Конференциянын жаңы датасын жана ордун белгилейт;
6. АКИАнын Конференцияларынын ишине айылдык кеңештин төрагасы, анын орунбасары, ар бир айылдан бирден көп эмес депутаты, айыл өкмөтүнүн төрагасы, ал жокто анын орун басары кеңешүүчү добуш менен катышыша алышат;
7. Бардык Конференциялар даярдык менен ачык, айкын өткөрүлүшү керек;
8. Биринчи Конференцияны катышуучулардын ичинен эң улуу аксакал башкарат. Ал күн тартибинин алгачкы эки маселеси боюнча: 1) кворумдун болушун аныктайт; 2) Конференциянын төрагасын жана катчысын шайлоону жүргүзөт. Андан ары бул Конференция жана андан кийинки Конференциялар жаңы шайланган төраганын төрагалыгы астында жүргүзүлөт;
9. Биринчи Конференциянын күн тартибине АКИАнын уставын талкуулоо жана кабыл алуу жана АКИАнын ишмердүүлүгүн жөнгө салуучу башка маселелер кирет;
10. Чечимдер Конференцияга катышкан делегаттардын жөнөкөй көпчүлүк добушу менен кабыл алынат.

VII. Конференциянын компетенциясы/укуктары

1. Конференциянын компетенциясына төмөндөгүдөй маселелер кирет:

-     АКИАнын уставына жана башка ички документтерге өзгөртүүлөрдү жана толуктоолорду киргизүү;

-     АКИАнын ишмердүүлүгүнүн артыкчылыктуу багыттарын аныктоо;

-     АКИАнын аткаруучу комитетинин жана ревизиондук комиссиясынын мүчөлөрүн шайлоо жана ыйгарым укуктарын мөөнөтүнөн мурда токтотуу;

-     Жылдык отчетту бекитүү;

-     АКИАны өзгөртүп кайра түзүү жана жоюу;

-     АКИАнын уставында жана башка ички документтерде каралган дагы башка маселелер.

 

VIII. АКИАнын аткаруу комитети.

1. Аткаруу комитет АКИАнын учурдагы ишмердүүлүгүн башкарат жана Конференциялардын ортосундагы аралыкта АКИАнын ишмердүүлүгүн башкарууга жооп берет. Ушул уставга жана Кыргыз Республикасынын мыйзамдарына ылайык Конференциянын компетенциясынан тышкары, аткаруучу комитет АКИАнын бардык функцияларын жана милдеттерин аткарат;
2. Аткаруу комитетинин мүчөлөрү Конференциянын делегаттарынын арасынан шайланат;
3. Аткаруу комитетинин мүчөлөрү Конференция тарабынан бир жылдан кийин кайра шайланышы мүмкүн. Аткаруу комитетинин бардык мүчөлөрү өз ыйгарым укуктарын мөөнөтү аяктагандан кийин токтотушат;
4. Аткаруу комитетинин ыйгарым укуктары:

-          АКИАнын Конференцияларын уюштуруу;

-          Жергиликтүү аймактын социалдык-экономикалык өнүгүү программасын иштеп чыгууга катышуу;

-          Айылдык кеңеште аймактын социалдык-экономикалык өнүгүү программасын бекитүүгө катышуу;

-          Донорлорго долбоорлорду тандоо жөнүндө маалымат берүү, тандалган инвестициялардын техникалык өнүгүүсү боюнча донорлор менен макулдашуу;

-          Донорлорго сатып алуулардын абалы жөнүндө маалымдоо (тендердик документтерди макулдашуу, конкурстун мөөнөттөрү жана жыйынтыктары);

-          Подрядчиктерге (жеткирүүчүлөргө) көмөк көрсөтүү, алардын ишине мониторинг жүргүзүү;

-          Бүткөрүлгөн долбоорлорду эксплуатациялоо жана техникалык тейлөө (ЭТТ) боюнча пландарды түзүүгө көмөктөшүү;

-          Социалдык мобилизациялоону жана дараметти жогорулатууну жүргүзүү жана жүргүзүүгө көмөктөшүү;

-          АКИАнын мүчөлөрүнүн, климаттын өзгөрүшү боюнча коомчулуктардын элчилеринин, коомдук кабарчылардын дараметин жогорулатууга көмөктөшүү;

-          Социалдык отчеттуулук боюнча иш-чараларды уюштурууга, өткөзүүгө көмөктөшүү;

-          Конференциянын чечимдерин ишке ашыруу.

1. Аткаруу комитети өзүнүн ишмердүүлүгү боюнча Конференцияга, эсептик катоодон өткөзгөн айылдык кеңешке отчет берет;
2. Аткаруу комитети өзүнүн иш-милдеттерин жүзөгө ашырууда төмөнкүдөй принциптерди карманат: ыктыярдуулук, мүчөлөрдүн тең укуктуулугу, ачыктык, чынчылдык, мыйзамдуулук, айкындуулук, өз алдынча башкаруу жана Кыргыз Республикасынын эмгек мыйзамдарын сактоо;
3. Жаңы түзүлгөн аткаруу комитетинин уюштуруу отуруму Конференциядан кийин өткөрүлөт, аткаруу комитетинин биринчи отурумунда анын катчысы шайланат жана кийинки отурумдун датасы аныкталат;
4. Аткаруу комитетинин мүчөлөрүнүн отурумунда аткаруу комитетинин төрагасы жана керектүү учурда анын орун басары шайланат. Аткаруу комитетинин курамы төрагадан, керектүү учурда төраганын орун басарынан жана башка мүчөлөрдөн турат;
5. Аткаруу комитетинин төрагасы бир жылга шайланат. Аткаруу комитетинин мүчөлөрүнүн саны так болушу керек. Аткаруучу комитетинин жалпы саны 9  адамдан ашпайт, анын ичинен 50% аялдар жана 50% жаштар;
6. Аткаруу комитетинин кийинки отуруму кеминде 5 (беш) күн мурун бардык мүчөлөрүн кабардар кылуу менен аткаруу комитетинин төрагасы тарабынан чакырылат. Кезексиз отурумдар АКИАнын аткаруу комитетинин кеминде үч мүчөсүнүн жазуу жүзүндөгү талабы боюнча чакырылышы мүмкүн;
7. Аткаруу комитетинин отуруму анын мүчөлөрүнүн 2/3 катышуусунда гана  өткөрүлөт. Аткаруу комитетинин мүчөлөрүнүн кворуму жок болгон учурда, төрага жыйынды жокко чыгарып, кийинки жыйынды 10 (он) күндөн ашпаган мөөнөткө жылдырышы керек;
8. Аткаруучу органынын мүчөлөрүнүн чечимдери добуш берүү жолу менен кабыл алынат, б.а. катышкан мүчөлөрдүн көпчүлүк добушу менен. Добуштар тең болуп калган учурда, төрагалык кылуучунун добушу чечүүчү болуп саналат;
9. Аткаруу комитетинин төрагасынын (төрайымынын) компетенциясына төмөнкүлөр кирет:

-       АКИАнын уставына кол коет;

-       Бардык мамлекеттик, жеке, коомдук уюмдарда жана бирикмелерде АКИАнын атынан өкүлчүлүк кылуу;

-       Аткаруу комитетинин отурумдарын өткөрүү;

-       Конференциянын жана аткаруу комитетинин тапшырмаларын аткаруу;

-       Конференцияда өзүнүн ишмердүүлүгү жөнүндө отчет берүү;

-       АКИАнын атынан келишимдерге кол коюу;

-       Аткаруу комитетинин компетенциясына кирген жана ушул Уставга карама-каршы келбеген башка ыйгарым укуктарды, функцияларды аткаруу.

1. Эгерде АКИАнын аткаруу комитетинин төрагасы (төрайымы) өзүнүн иш-милдеттерин аткара албаса, кайрадан аткаруу комитетинин төрагасы аткаруу комитеттин отурумунда көпчүлүк добуш менен шайланганга чейин төраганын милдеттерин төраганын орун басары аткарат;
2. Аткаруу комитетинин мүчөсү иш мөөнөтү аяктаганга чейин Конференциянын чечими менен кайра чакыртылып алынышы же алмаштырылышы мүмкүн. Ага себеп бул же тигил мүчөнүн өз милдеттерине  кайдыгерлик кылгандыгы же аларды аткарбагандыгы же өз ыктыяры менен арыз жазышы болушу мүмкүн. Аткаруу комитетинин жаңы мүчөсүн шайлоо кийинки Конференцияда айылдардагы өткөрүлгөн кварталдык жалпы чогулуштардын чечимдерине ылайык  өткөрүлөт.

IX. Текшерүү комиссиясы          

1. Текшерүү комиссиясы АКИАнын Конференциясында бир жылдык мѳѳнѳткѳ АКИАнын мγчѳлѳрγнѳн 3 кишиден турган курамда шайланат. Текшерүү комиссиясы ѳз ишин акысыз тγрдѳ аткарат;
2. Текшерүү комиссиянын мүчөлөрү АКИАнын аткаруу комитетинде кандайдыр бир кызматтарды ээлеген адамдар болбоосу керек;
3. Текшерүү комиссиясы АКИАнын аткаруу органынын жана анын башка структураларынын финансылык-чарбалык иштерин көзөмөлдөйт;
4. Текшерүү комиссиясы жыл аягында отчетун берет жана ал отчет Конференция тарабынан бекитилет;
   1. АКИАнын бардык кызмат адамдары текшерүү комиссиясынын өз милдеттерин аткаруусуна көмөктөшүүгө милдеттүү;
   2. Текшерүү комиссиянын мүчөлөрүн кайра шайлоо Конференциянын делегаттарынын төрттөн биринин талабы боюнча мөөнөтүнөн мурда өткөрүлүшү мүмкүн;
   3. Текшерүү комиссиясынын төрагасы анын мүчөлөрү тарабынан мүчөлөрдүн ичинен шайланат.

Х. АКИАны жоюу жана реорганизациялоо

1. АКИАнын ѳз ишин токтотуу АКИАны реорганизациялоо же болбосо жоюу жолу менен Кыргыз Республикасынын Жарандык Кодексинде каралаган тартипте жγргγзγлѳт.

 

Кара-Бүргөн айыл аймагынын АКИАнын аткаруу комитетинин төрайымы                                          _______________                В. Ж. Кыдырмышова